Milano-fréttir

2010-06-12T14:10:00.000-07:00

Jæja það er allt alveg rosalega gott að frétta af okkur hérna í Milano fyrir utan þennan svakalega hita! Við erum þó rosalega heppin að íbúðin okkar er með yndislega loftkælingu.

Ég skráði mig í ítölskunám næstu 8 vikurnar í Scuola Leonardo da Vinci, ég mun því vera þar alla virka morgna frá kl 09:00-12:15 þangað til við komum heim til íslands. Ég er alveg rosalega ánægð eftir fyrstu vikuna og hlakka mikið til að takast á við þetta verkefni. :)
Sindri og Hanna eru svo að koma til okkar 21-28 júní. Það verður nú aldeilis gaman að hitta þau og hafa það notalegt saman!
Læt með nokkrar myndir frá síðustu helgi, en við fórum í sænska leiki með nokkrum krökkum úr skólanum mínum.

Læt þetta duga í bili.
KV. KS

2010-05-23T11:55:00.000-07:00

INTER EVRÓPUMEISTARAR

Það var aldeilis fjör hérna í Milano í gær! Allt alveg vitlaust fram eftir nóttu því Inter vann Munchen 2-0 í meistaradeild Evrópu

Við fórum nokkur í gær á Duomo torgið til að fylgjast með leiknum sem var sýndur á stórum skjá. Það var allt vitlaust þar svo ég og Vala vorum ekki lengi að færa okkur yfir á næsta bar en strákarnir voru eftir . Þetta var ekkert smá skemmtilegur leikur og alveg ótrúlega skemmtilegt að upplifa svona svakalega stemmningu.

Set eina mynd með til að sýna hversu margir voru þarna!

2010-05-21T03:42:00.000-07:00

Þá er búið að kaupa farið heim til Íslands í sumar! Við stoppum heldur betur lengi, frá 26 júlí til 22 sept. Ég er í svo rosalega góðu fríi í skólanum sem kemur sér mjög vel því það er nóg að stússast fyrir HAF by Hafsteinn Juliusson í sumar.

Stefnan er svo tekin til London 22 sept. á 100% Design. Það verður nú ekki amalegt og erum við því bara orðin mjög spennt fyrir "sumarfríinu".

Af okkur er annars bara allt gott að frétta. Ég á bara 1 próf eftir og 2 verkefnaskil! Víjj.. Verður bara æðislegt að klára þetta. Þessi helgi mun því fara í það að læra undir History of Arcitecture próf sem er 27 maí og svo er P3 verkefnaskil 28! Það er auðvitað alltaf jafn mikið að gera hjá Hafsteini bæði hjá Diego og að vinna í sínu eigin dóti.

Hafsteinn & Una á Úthlutuninni

Hafsteinn var síðan svo rosalega heppinn að fá styrk frá Hönnunarsjóði Auroru sem var úthlutað núna á miðvikudaginn! Bara alveg æðislegt og kemur sér svo vel til að kynna og koma vörunum hans áfram. Við Hafsteinn vorum auðvitað með í partýinu á skype!

Læt þetta duga í bili.

Kveðja út blíðunni

SUMAR Í MILANO

2010-04-28T12:27:00.000-07:00

Þá erum við komin með internetnið og get ég því farið að blogga aftur! Eða allavega segja frá því helsta sem við erum að gera.

Það er nú alveg rosalega margt búið að gerast hjá okkur. Erum flutt í nýja íbúð og erum alveg þvílíkt ánægð með það. Tók nú reyndar sinn tíma að fá internetið í íbúðina eða um 3 mánuði. Náttúruelga ekki hægt! En kunnum því auðvitað að meta það mun betur.

Salone var í síðustu viku og Hafsteinn var að sýna napbook, slim chips & Growing Jewellery í Kartell showroominu ásamt félaga sínum honum Gio Tirotto. Það var alveg þvílikt stuð í opnunarpartýinu og troðið út að dyrum. Sýningin gékk rosalega vel og Hafsteinn er búinn að fá mikla umfjöllun eftir hana.

Það er sko aldeilis komið sumar hérna í Milano.. Búið að vera um 26 stig og sól! Og við erum auðvitað að elska það!!! Yndislegt að geta komið við í garðinum eftir skóla/vinnu og setjast í smá stund og njóta þess!

Maí mánuður er að fara að vera rosalega busy hjá mér, próf og verkenfaskil í hverri viku. Það verður aldeilis gott að klára þetta. Júní mánuður er svo hins vegar rólegri, eða þá er ég í rauninni búin með alla kúrsana nema einn sem er lokaverkefnið og við þurfum að skila því 7 júlí. Við stefnum því að koma heim í lok júlí - byrjun ágúst og vera heima í svona ca 5-6 vikur.

Það væri nú líka gaman að vita ef það er einhver er að lesa bloggið ennþá haha! Er svo skelfilega löt við þetta svo það eru örugglega allir búnir að gefast upp.

Læt þetta duga í bili, hérna koma nokkrar myndir frá síðustu vikum.

Buona notte,

Hafsteinn útí í blíðunni í Mars

...

HOME STREET HOME - Sýningin

Ég & Gio Tirotto

Hafsteinn, eigandinn af Kartell búðinni & Gio Tirotto

Kartell búðin & uppáhalds fatabúðin okkar WOK! Þar er verið að selja hringana & hálsmenin hans Hafsteins

Hafsteinn & Gio Tirotto á Salone

Ég & Sonja á Salone sýningu sem Hafsteinn setti upp og hannaði fyrir Diego!

KV.

Gleðilegt nýtt ár - og takk fyrir það gamla!!

2010-01-07T06:58:00.000-08:00

Jæja nú jæja! Það er sko aldeilis mikið búið að gerast síðan ég bloggaði síðast. En hérna kemur smá uppfærsla frá því helsta:

Harpa og Danni komu til okkar 5 júli & stoppuðu í 4 daga. Það var ekkert smá skemmtilegur tími sem við áttum saman í að elda & borða góðan mat, drekka vín & bjór & randa um borgina í góða veðrinu.
Andri, Linda, Ágústa Rut & Svava komu svo til okkar 18 júlí og stoppuðu í viku. Þetta var alveg yndisleg vika sem við nýttum í sundferðir, garðana, labb um borgina, að borða góðan mat & hafa það notalegt saman.
Við komum svo heim til Íslands 26 júlí & stoppuðum til 1 september. Ísland er auðvitað alltaf best & það var alveg unaðslegt að koma heim kæla sig aðeins niður & hitta fjölskyldu & vini!
Sindri Páll kom svo til okkar 1 október & stoppaði í 4 daga.. Vinirnir nutu þess mikið að labba um Milano & þræða listasöfnin, við borðuðum svo auðvitað frábæran mat eins & alltaf & höfðum það svo gott öll saman.
Í 7 október fengum við svo hressa heimsókn frá Eysteini & Gumma! Það var nú aldeilis fjör hjá okkur & komu búðirnar í Milano aldeilis vel við sögu. Þeir fóru svo heim til Íslands 12 október með tómar buddur & auka ferðatösku! :)
Eftir þetta var allt brjálað að gera í skóla & vinnu & við að pakka niður öllu því við ákváðum að skipta um íbúð.
Hérna koma nokkrar myndir:

Hafsteinn,ég,Harpa&Danni á leið á tjúttið!

Við að kæla okkur niður með ís!

Ágústa Rut Monroe :)

Hafsteinn, Sindri & ég fórum í aperativo..

Bræðurnir saman!
Læt þetta duga í bili.. Kem svo með myndir frá jólum og áramótunum fljótt!!!
KS

2009-07-03T03:35:00.001-07:00

Vúhúú.. Jæja - þá eru Harpa og Danni að koma til okkar á sunnudaginn :) Vonum bara að það verði svona gott veður eins og er búin að vera síðustu daga! Svo koma Linda, Andri, Ágústa Rut og Svava til okkar 18 júlí.. Váá svo mikið skemmtilegt um að vera næstu daga/vikur..
- Ætla að halda áfram með verkefnið mitt svo ég geti nú notið þess að vera með Harpíel.

2009-06-28T21:38:00.000-07:00

..Þá eru mamma og pabbi farin eftir alveg yndislega og ógleymanlega viku! :) Enn og aftur takk fyrir okkur og þennan æðislega tíma sem við erum búin að njóta saman <3 Hérna koma nokkrar myndir frá ferðinni.

Fyrsta kvöldið - Pizza pizza :)

Á leið í bæinn

Cinque Terre

Bílinn sem við tókum á leigu ;) Híhí..

Cinque Terra - Monterosso

...

Fórum á uppáhalds staðinn/barinn okkar Haffa!

Mamma og pabbi sætust!!

Bakaríið okkar! :)

Á röltinu í hverfinu okkar.

Síðasta kvöldið - kjúllaréttur :)
Takk fyrir samveruna :) **
Ciao,
Karitas

2009-06-08T13:31:00.001-07:00

Jæja..... Það er sko aldeilis mikið búið að gerast síðan síðast!
Elsku Andri og Linda voru að gifta sig 06.06.09 - vorum SVO leið að geta ekki komið í brúðkaupið. Þetta var víst alveg yndislegur dagur og frábær veisla að sögn tengdó :)

Enn og aftur til hamingju! **

En af okkur er allt rosalega gott að frétta! Mamma og pabbi að koma eftir akkúrat tvær vikur!! Erum orðin svo spennt! Svo ætla Harpa og Danni að reyna að koma vikuna eftir það og svo koma nýbökuðu brúðhjónin Ágústa Rut og Svava til okkar 18 júlí! Svo skemmtilegur tími framundan.
Annars er hitinn og sumarið bara að fara vel í okkur - moskítóflugurnar eru bara að láta okkur vera núna sem er bara gott! Hafsteinn er búinn að fara í tvö atvinnuviðtöl í vikunni fyrir internship og leyst bara mjög vel á. Honum var boðið staf á báðum stöðum en hann á eftir að fara á fleiri viðtöl og svo er það er bara að vanda valið og vona að hann fái svo að halda áfram eftir að internshipið klárst.
Læt þetta duga í bili.
KV. Karitas

2009-05-02T11:25:00.000-07:00

Veðrið er búið að vera alveg yndislegt hérna síðustu daga. Erum búin að njóta þess svo að eiga frí og erum búin að fara út í garð með nesti og skólabækur og haft það alveg ótrúlega notalegt saman! Vorum svo boðin í mat til Rui, Margaritu og Jonu í gær. Voru með allskonar Portúgalska smárétti og svo steik í aðalrétt.
Næstu vikur eru alveg pakkaðar hjá mér í skólanum - er að skila verkefnum og í prófum. En það verður alveg ótrúlega gott að klára þennan kafla því svo koma mamma og pabbi til okkar í júní þegar það er aðeins farið að róast. Einnig voru Andri, Linda, Ára og Svava að panta far til okkar 19 júlí - hlökkum svo mikið til. Verðum nánast alveg komin í sumarfrí þá! :)
Set nokkrar myndir frá helginni.

Komin í matarboðið

Rui að opna champagne

Up next - Salone del Mobile

2009-04-14T14:43:00.000-07:00

Þá erum við komin heim eftir æðislega dvöl í Svíþjóð. Það er alveg magnað hvað svona skemmtilegar stundir þurfa að líða hratt! Mér finnst eins og ég/við höfum verið að fara í gær til þeirra og svo erum við bara komin heim! En þetta var ekkert smá yndislegur tími, við borðuðum yfir okkur af góðgæti eins og humri, páskaskinku, páskaeggjum, kökum og fleira til. Höfum sko ekki fengið svona mikið af góðum mat í langan tíma :) En svona eiga páskarnir líka að vera.
Núna tekur svo alvaran við aftur - mikið að gera í skólanum hjá mér næstu vikurnar og líka alveg brjálað hjá Hafsteini, Óla og félögum að undirbúa fyrir Salone del Mobile sem byrjar í næstu viku. Verður ekkert smá skemmtilegt - Vúhúúú!

En ég vil bara þakka enn og aftur fyrir okkur elsku Anna sys og Jósi. Erum strax farin að hlakka mikið til að hitta ykkur í sumar og sjá nýja húsið.
- Set inn nokkrar myndir frá ferðinni.

Ciao,
KS

Vorið er komið

2009-03-28T14:18:00.001-07:00

Það er allt alveg rosalega gott að frétta af okkur, erum að fara til Önnu sys og co eftir 9 daga! Víí ég er orðin svo spennt - verður ekkert smá gaman að knúsast í Tóta og Karitas. Þessi vika verður samt alveg pökkuð - Hafsteinn að fara að skila verkefni á mánudaginn og ég þarf að vera alveg rosalega dugleg í verkefninu mínu sem ég þarf að skila eftir páska. Væri nú gott að komast langt með það svo ég þurfi ekki að vinna mikið um páskana.
Svo er vorið komið - erum alveg að elska það að vakna við sól og fulgasöng - verður nú hálf furðulegt að fara yfir í snjóinn í SE - en það er bara gaman..
Set inn nokkrar myndir frá síðustu vikum.

Hádegismatur a la Hasteinn

Ein sátt!

Natascha, ég og Magdalena að fá okkur hressingu eftir skóla.

Allir að læra saman!

Ég og Natascha á leiðinni að hitta vini úr skólanum.

Strákarnir að syngja ísl.hittara

Stuð á bekkjarsystrum
Læt þetta duga!
KV. KS

SWEDEN

2009-02-28T05:32:00.000-08:00

Það er allt alveg rosalega gott að frétta af okkur fyrir utan netleysið! Erum alveg að verða klikkuð á þessu - en það er víst ekki hægt að þræta við þessa ítölsku-fastwebvitleysinga.
Það er ekkert smá mikið að gera hjá okkur báðum í skólanum - önnin hjá Hafsteini að klárast svo hann er á fullu í að skila lokaverkefnum núna. Ég er að vinna í 3 stórum verkefnum sem ég er að fara að skila um miðjan mars - svo við gerum lítið annað en að vera að læra þessa dagana.
Við erum búin að ákveða það að fara til Önnu sys og co um páskana - verður ekkert smá notalegt. Ætlum sem sagt að fara 9 apríl og vera til 14! Verðum nú bara að fara og kveðja staðinn því svo eru þau að flytja heim í sumar til Vestmannaeyja! :)

Það er búið að vera alveg yndislegt veður síðustu daga - alveg greinilegt að það er farið að vora hjá okkur. Erum alveg farin að hlakka til að fá sumarið og sólina og geta farið í garðana með nesti og haft það notó.
-Ætla ekki að hafa þetta lengra í bili en set nokkrar myndir með af íbúðinni.

Ciao,
KS

Buonasera!

2009-02-04T11:18:00.001-08:00

Jiii ég verð aldeilis að fara að taka mig á!
Af okkur er allt rosalega gott að frétta - æðislegt að vera komin aftur út til Milano:) Ég byrjaði svo í IED eftir að við komum út og er í alveg frábærum bekk! Meira að segja svo heppin að hafa eina yndislega ísl. konu með með í bekk - svo gott að geta talað smá ísl. yfir daginn og hjálpast að.:) Það er alveg nóg að gera bæði hjá mér og Hafsteini í skólanum! Ég er strax farin að vinna í verkefnum og fyrirlestrum sem þarf að skila á næstu vikum! Bara gaman að hafa svona mikið að gera eftir að hafa verið nánast að "hanga" fyrir jól :o)
Við erum ekkert smá ánægð í nýju íbúðinni - 1 mín fyrir mig í skólann, svo er Hafsteinn svo heppinn að bekkjarfélagi hans býr hérna í næstu götu svo hann fær yfirleitt far í og úr skóla! :) Við erum svo bara að bíða eftir netinu okkar, þurftum sem sagt að segja upp netinu í gömlu íbúðinni og sækja aftur um!!! Hehehe.. Ekkert smá fyndið.. En við fáum nú vonandi netið í næstu viku.
Ætla að koma mér í lærdómsgírinn
Salve,
Karitas

Milano

2009-01-14T04:29:00.000-08:00

Jæja .. Þá erum við komin heim! Búið að vera alveg æðislegt frí á Íslandinu góða.. Vorum alveg í heilar þrjár vikur svo við náðum að gera margt og mikið. Við sváfum svo hjá Ester&Óla fyrstu tvær næturnar og svo fengum við íbúðina í gær! Ekkert smá gaman! Við fórum bara strax í það að koma öllu dótinu okkar fyrir! Set nokkrar myndir á næstu dögum.
Ég er svo að fara að byrja í skólanum næsta þirðjudag! Er orðin svooo spennt.. :) Líka svo heppin að það er ein íslensk kona með mér í bekk, svo ef það er eitthvað þá getum við hjálpast að!

En ég held að ég láti þetta duga í bili.. Og þakka enn og aftur fyrir okkur Hafstein, var dekrað svo við okkur þegar við vorum heima á Ísl. :)
Ciao
KS

2009-01-03T08:23:00.000-08:00

Gleðilegt ár allir saman og takk fyrir það gamla!

Þá erum við bara að koma

2008-12-19T04:04:00.000-08:00

Það var ekkert smá mikið að gera hjá okkur í gær. Fórum bæði í klippingu, í bæinn að kaupa skó á Hafstein og fluttum svo allt dótið okkar yfir í nýju íbúðina.. Nema reyndar hjólin! Svo við vonum bara að það verði í lagi að geyma þau hérna í 3 vikur.
Núna er ég bara að leggja lokahönd á þrif.. Hafsteinn er nefnilega í skólanum til 18:00 og þá ætlum við að fara yfir til Marco (leigusalans) og skila lyklunum. Hann kom áðan og fór að rugla með það að við þyrftum að borga næsta mánuð líka! En ónei.. Það ætlum við sko ekki að gera, við höfum ekki skrifað undir neinn samning svo við erum ekkert skyldug til þess, og þar að auki verðum við ekki hérna í næsta mánuði!
Við erum ekkert smá heppin að fá að gista hjá Rut&Heimi í nótt.. Þau eru alveg að bjarga okkur - ætluðum nefnilega að gista hérna í nótt og skila svo lyklunum á morgun.. En fyrst hann fór að rugla með eitthvað svona þá viljum við bara fara sem fyrst:)
En annars erum við bara orðin svo spennt .. London á morgun og svo Rvk á sunnudaginn! :) Víí..

En ég læt þetta duga í bili og sé ykkur á Íslandinu góða!
KS

2008-12-13T11:48:00.000-08:00

Afmælispartýið heppnaðist bara svo vel í gær fyrir utan nokkur smáatriði ... svo sem hrásykur í kökunni í staðin fyrir púðursykur og svo jagerleysið! :) En annars var bara svo notalegt hjá okkur. Sátum lengi lengi og sötruðum á hvítu og bjór - hættum meira að segja við að fara á Hot chip því það var svo gaman hjá okkur. Við vöknuðum svo bara mjög hress í morgun og fórum í bæinn. Hafsteinn var nefnilega svo óheppinn að brjóta umgjörðina á gleraugunum sínum um daginn - svo við fórum í dag og keyptum nýja. Við ákváðum að hvíla Paul Frank aðeins og fara yfir í Ray Ban..
Það er ekkert smá mikið sem við eigum eftir að gera áður en við komum heim. Hafsteinn er að fara í tvö próf í vikunni og svo skila nokkrum verkefnum. Ég á eftir að pakka öllu niður og þrífa alla íbúðina og koma svo dótinu í nýju íbúðina! Þetta verður stuð vika!:)
En ég læt þetta duga í bili.
KS

Ein af flotta traminu niðrí í bæ

10.12.08

2008-12-09T22:36:00.000-08:00

Hann á afmæli í dag - hann á afmæli í dag - hann á afmæli hann Hafsteinn, hann á afmæli í dag!! Veyyyyyy... Já Hafsteinn Júlíusson er orðinn 24 ára!! Vúhúúú..
Set inn nokkrar myndir frá því í morgun.

Víí.. Snjór í Milano

Morgunmaturinn!

Hafsteinn með pakkann sinn
Ciao
KS

2 vikur í Ísland

2008-12-08T04:40:00.000-08:00

Af okkur er allt rosalega gott að frétta tíminn líður bara alltof hratt sem er kannski bara fínt þessa dagana því við erum að koma heim eftir 12 daga;) Verður ekkert smá notalegt!
Hafsteinn á auðvitað afmæli á miðvikudaginn - verður 24 ára! Ætlum því að halda smá afmælispartý á föstudaginn og fara svo á Hot Chip. Við erum svo kannski að fara að fá nýja íbúð en það kemur allt í ljós á morgun, erum að fara að hitta leigusalann! Vonum bara það besta því þessi íbúð er alveg geggjuð!!! Ég er að hugsa um að fara í Interior design í IED skólanum. Er að sækja um í eins árs kúrs, þá tek ég sem sagt þrjár annir á einu ári. Ég myndi þá byrja 20 janúar og klára 20 des á næsta ári. En þá erum við Hafsteinn akkúrat í sumarfríi á sama tíma frá 1-31 ágúst. Svo get ég bara byrjað á annari önn á öðru ári. Ekkert smá spennandi.. :)
Helgin var ekkert smá notaleg.. Ég og Kata fórum í smá bæjarferð á föstudaginn og hittum svo Hafstein, Ester og Óla í aperativo um kvödið. ( þá kaupiru einn drykk og getur borðað eins og þú vilt af réttunum sem hafa verið í boði yfir daginn - rosalega sniðugt fyrir fátæka námsmenn). Á laugardaginn fórum við svo í afmæli og eftir það fórum við skvísurnar heim til Esterar og Óla í drykk á meðan strákarnir fóru að hitta eitthvað fólk úr skólanum hans Haffa. Við enduðum svo bara á því að sofa á sófanum hjá þeim. Í gær vorum við svo bara heima í notalegheitum að horfa á bíómyndir og hafa það gott. Í dag er svo einhver frídagur á Ítalíu, og það var ekki slæmt að geta sofið út einn dag í viðbót...
Læt þetta duga í bili..

Kata, ég, Markús(afmælisbarnið) og Ester.

Verið að setja jólaljós á stóra jólatréð við Duomo.

Allt að verða jólalegt í bænum.

Jólasnjór

2008-11-27T23:56:00.000-08:00

Vííí.. Það er ekkert smá jólalegt hjá okkur núna! :) Vöknuðum klukkan 07:00 og þá var bara allt í snjó og það snjóar enn... Ekkert smá notalegt að vera inni núna hlusta á jólalög, skrifa jólakort og borða mandarínur og piparkökur!
Við ætlum að gera margt um helgina.. Erum að fara í matarboð í kvöld til stráks sem er með Hafsteini í bekk, það verður ekkert smá gaman að hitta vini hans og kærustur. Svo munum við nú örugglega gera eitthvað skemmtilegt með krökkunum á laugardaginn! Á sunnudaginn ætlum við svo að baka eitthvað gott og fara svo í bæinn. Allt að verða svo jólalegt í bænum, jólaljós útum allt.. Verður æðislegt að fá sér kakó með rjóma og hlusta á sígaunana spila jólalög! ;)
En annars er allt rosalega gott að frétta af okkur, mikið að gera hjá Hafsteini í skólanum. Hann er að vinna í fimm verkefnum núna! Svo hann er farinn rétt rúmlega átta og er yfirleitt að koma heim rétt um 19:00. Við erum bara orðin rosalega spennt að koma heim, ekki nema þrjár vikur í okkur.. Alveg ótrúlegt hvað tíminn er fljótur að líða! En ég læt þetta duga í bili.
Ciao
KS

23 NÓVEMBER!

2008-11-23T23:09:00.000-08:00

Helgin aldeilis búin að vera yndisleg :) Kiktum aðeins út á föstudeginum með krökkunum og svo fengum við hljómsveitina Hjaltalín og Steinþór í sleepover á laugardeginum. Þau eru sem sagt á tónleikaferðalagi um Evrópu. Í gær héldum við Hafsteinn því uppá daginn okkar og fórum á Armani Nobu. Þar er sko klárlega besti matur sem við höfum smakkað, fenguð humarrétt í forrétt svo var það naut í teríakísósú og svo súkkulaði og kaffi í desert! Hafsteinn var síðan svo smekklegur og notaði tækifærið á fimm ára afmælinu okkar og gaf mér þennan æðislega hring! Vííí.. Við erum sem sagt búin að trúlofa okkur! :)
Hérna koma nokkrar myndir frá helginni og gærkvöldinu!

Fólk að fá sér kaffisopa fyrir brottför

Í kuldanum á leiðinni út að borða!

Súkkulaðið góða!

Við í lyftunni heima eftir frábært kvöld!
Læt þetta duga í bili.
KS

Besta vöruhönnunin

2008-11-21T08:04:00.000-08:00

Þá erum við komin heim eftir æðislega ferð til Toscana. Ætluðum að vera í eina nótt í viðbót til að vera yfir "afmælið" okkar en ákváðum síðan að vera bara heima og fara frekar eitthvað gott út að borða. Til að gera langa sögu stutta þá var þessi ferð hreint út sagt æðisleg! Við borðuðum furðulegan - en góðan mat og kynntumst fullt af skemmtilegu fólki. Á miðvikudeginum var okkur boðið út að borða með stjórn IDEA - var ekkert smá skemmtilegt. Fengum fimm rétta málið og það er sko alveg greinilegt að það er aspas-uppskera því allir réttirnir voru með aspasi:) Við sátum með engum öðrum en forstjóra FLOS á borði en það er eitt flottasta ljósafyrirtækið í bransanum. Hann var ekkert smá heillaður af okkur Íslendingunum (vorum fyrstu ísl. sem hann hitti), lét okkur meira að segja syngja lag á íslensku fyrir framan rúmlega 30 manns! Jiii við vorum eins og hálfvitar.. Svo á fimmtudeginum var aftur svona flottur matur með öllu fólkinu og eftir hann fórum við í salinn sem kynningarnar voru haldnar. Hafsteinn var alveg lang flottastur - næstum eins og hann hafi aldrei gert annað en að tala uppá sviði. Svoo var náttúrulega ekki leiðinlegt að enda kvöldið á að fá verðlaun! Já - Hafsteinn var valinn besti vöruhönnuðurinn á sýningunni sem er ekki slæmt:) En það var sem sagt veitt verðlaun fyrir besta/u, vöruhönnunina,margmiðlun og grafík. Er ekkert smá stolt af honum - fékk alveg gæsahúð þegar nafið hans var kallað upp!
En læt þetta duga - set nokkrar myndir með.

Iðnhönnuður,FLOS-gaurinn & HJ

Ég hjá verkinu hans HJ

Við að fara að borða!

Komin á kynninguna

HJ að taka á móti verðlaununum!

HJ með verðlaunin!

Króatinn,HJ&Franska stelpan

Sviss

2008-11-17T09:43:00.000-08:00

Helgin var ansi skemmtileg hjá okkur. Elduðum á laugardeginum kalkúnabringur með Kötu,Ester,Óla og Stebba heima hjá Stebba&Kötu.. Borðuðum alveg yfir okkur af góðgæti - því svo var Ester búin að gera þessa glæsilegu eplaköku í desert! Mmm heit eplakaka með ís er nú bara eitt það besta! :) Ég er því komin með uppskrift af alveg æðislegri eplaköku sem ég ætla sko að gera þegar við komum heim um jólin!
Á sunnudeginum fórum við svo með Stebba&Kötu til Sviss, var alveg ótrúlega gaman! Keyrðum í rosalega fallegu veðri og gátum því skoðað marg og mikið á leiðinni og þar á meðan fallegu Alpana. Þegar við komum svo til Sviss voru allir orðnir svo svangir að auðvitað var stoppað á Mc´donalds og smakkaður "svissneskur-borgari" og hann fékk sko 10 í einkunn! Eftir það fórum við svo í moll sem er með outlet af öllum flottustu og dýrustu merkjunum, auðvitað keyptum við ekki neitt en maður getur látið sig dreyma! :)
Núna er ég bara að bíða eftir að Hafsteinn komi heim úr skólanum því við erum svo að fara að kaupa miðana til Toscana, verðum að ljúka því af því við erum að fara á miðvikudaginn! Vííí.. Erum bæði orðin svoo spennt. Erum líka að spá í að bæta eins og einni nóttu við því við eigum 5 ára "afmæli" á laugardaginn - ekki leiðinlegt að eyða deginum saman í Toscana.
Kvöldmaturinn á laugardaginn og eplakakan!

Við á leiðinni til Sviss - Að taka bensín!
Verð að fara að klára matinn!
KS

...

2008-11-14T14:02:00.001-08:00

Jiiii hvað það var gaman hjá okkur stelpunum í gær, maður er bara alveg með hana á heilanum eftir þessa tónleika. Eitthvað svo venjuleg og sæt og svoo skemmtilegt að horfa á hana syngja - voru reyndar mjög stuttir tónleikar. Var rétt farin að dilla mér og dansa smá eftir að hafa verið slegin niður af brjáluðum Ítala og þá bara kom síðasta lagið. Eftir tónleikana fórum við heim til Rutar&Heimis, þar voru strákarnir í chilli eftir að hafa spilað fótbolta - og tapað gegn Serbum!;)
Ekki hægt að segja annað en að kvöldið hafið verið fullkomið!
Setti nokkrar myndir með!

Rut&Ester

Kata&ég

Skvísan sjálf!

...

Duffy

2008-11-10T12:04:00.000-08:00

IKEA varð fyrir valinu í gær - mér til mikillar ánægju! Það var nú samt ekki mikið keypt, bara svona það helsta, jólakort, ilmkerti, servéttur og piparkökur svo eitthvað sé nefnt:)
Ég byrjaði auðvitað strax í morgun að skrifa nokkur jólakort - gat bara ekki beðið.. Þó svo ég hafi stolist til þess þá verða piparkökurnar geymdar uppá skáp þar til 30 nóv!

Við stelpurarn erum að fara á Duffy-tónleika næsta fimmtudag - eef það er ekki orðið uppselt! Ætlaði að fara í bæinn í dag að kaupa miða en þá þurfti þetta lestarverkfall að skella á. En ég ætla rétt að vona að miðarnir verði ekki búnir á morgun því við erum búnar að plana svo æðislegt fimmtudags-skvísukvöld! :)

Ciao
KS

Sabato

2008-11-08T12:21:00.000-08:00

Núna sitjum við Hafsteinn með rauðvín og kertaljós að horfa á dagsrkána á RÚV eftir að hafa aldeilis skemmt okkur vel í gær! Strákarnir skelltu sér í fótbolta á meðan við skvísurnar fórum og fengum okkur kínverskan, og svo hittumst við öll heima hjá Ester & Óla og sungum með gítar og tilheyrandi fram eftir morgni. Jáá það er sko ekki hægt að segja annað en að við séum bara að hafa það gott þrátt fyrir alla geðveikina heima!

Á morgun ætlum við að gera eitthvað skemmtilegt eins og að fara í IKEA eða til Sviss! Er ekki alveg komið í ljós hvort verður fyrir valinu en það kemur allt í ljós á morgun. Er alveg orðin mjög spennt að fara í IKEA að kaupa piparkökur, ilmkerti, seríu og eitthvað smotterí til þess að gera fínt hérna í aðventuni - eru ekki nema 20 dagar í að hún byrji. Hef nú bara aldrei vitað tímann líða jafn hratt og hérna úti! Við verðum bara komin heim áður en við vitum af! :)

Svo þarf maður að fara að huga að jólagjafaföndri - því ekki verða þær nú margar jólagjafirnar í ár! Ég er bara mikið farin að hlakka til að setjast niður með kertaljós og jólalög og föndra og skrifa jólakortin! Verður aldeilis notó!

Ein frá kvöldinu í gær - til að sýna stuðið!

Jæja - ætla að halda áfram að horfa á tv-ið!
KS

San Siro ....

2008-11-03T00:09:00.000-08:00

Jæja þá er helgin búin og næsta vika tekin við!
Það er alveg hægt að segja að við séum búin að hafa það gott um helgina. Byrjuðum á því að fara í matarboð til Stebba&Kötu á föstudeginum sem endaði þannig að við vorum ekki komin heim fyrr en 19:00 á laugardeginum! Jamm og jáá... Við sem sagt gistum öll hjá þeim - vöknuðum og fengum okkur að borða og horfðum svo á leikinn. Eftir leikinn fóru allir heim í sturtu og ný föt og hittust svo allir aftur rúmlega 21:00 á Jubin - æðislegum kínastað. Vorum svo bara komin mjög snemma heim sökum þreytu.
Í gær ætluðum við svo öll saman á NC-Milan - Napoli! Allir mættir á San Siro um 19:00 í svaka stuði - eeeen neiii.. Miðasölukerfið var eitthvað bilað svo við komumst ekki á leikinn! Váá hvað það var fúlt!

En í staðin fyrir að hafa ekki komist á leikinn þá keypti Hafsteinn trefla fyrir okkur svo við verðum örugglega alveg lang flottust þegar við komumst loksins á leik ;) Ætlum kannski að reyna að fara á fimmtudaginn ef það verður ekki mikið hjá Hafsteini í skólanum.

Ein úr matarboðinu skemmtilega.
Læt þetta duga í bili!
KS

Dachshund!

2008-10-29T01:36:00.000-07:00

Þá er "Haffinn" byrjaður í skólanum og lýst bara alveg rosalega vel á sig! Strax komin verkefni hjá honum og allt brjálað að gera.
Það er sko greinilega farið að hausta hérna hjá okkur, bara rigning og 12-15 stiga hiti næstu daga! En við höfum það bara svo gott þrátt fyrir það að sólin sé ekki að skýna - enda er bara gott að fá tilbreytingu..
Við erum að fara í Halloweenpartý á föstudaginn, voða spennandi. Ætlum því að hitta Rut&Heimi niðrí bæ í dag eða á morgun til að klára flottu búningana okkar! Voða leyndó í gangi - een það koma myndir eftir helgi!
Ætlum svo líka að reyna að kikja í IKEA um helgina. Maður verður nú að eignast eitthvað smá jóladót til að komast í gírinn áður en við komum heim til Íslands! Er nú samt nú þegar að komast í smá! Er nefnilega búin að vera að háma í mig mandarínur og stelast til að hlusta á nokkur ....... - BOBBBOBBOBB!

Ég/við erum alveg búin að finna drauma hundinn okkar hérna úti! :) Er alveg orðin sjúúúk - samt hef ég nú aldrei verið mikil hundakona en þeir eru bara svo ótrúlega sætir og lúðalegir! Verð að setja inn tvær myndir til að sýna ykkur.

Ohh.. Svo mikið krútt!

Svona verður hann "stór" :)
En læt þetta duga í bili - kveðja úr rigningunni!
KS

Titill

2008-10-26T04:40:00.001-07:00

Þá er helgin að klárast og við búin að skemmta okkur konunglega! Fórum út að borða á föstudaginn á æðislegan kínverskan stað með nokkrum íslenskum krökkum. Eftir að hafa troðið í okkur sushi, kínarúllum og allskonar kjúkklingaréttum þá var ferðinni heitið á íslendingahitting! Jább rosa stuð.
Laugardagurinn fór því bara í að hafa það notalegt heima að horfa á bíómyndir og borða pizzu. Í dag ætlum við að fara aðeins á ferðina, ýmisslegt sem Hafsteinn þarf að kaupa fyrir skólann.

Ein mynd af góða matnum!

En læt þetta duga í bili..
KS

Vel heppnað matarboð!

2008-10-19T04:52:00.000-07:00

Það gékk æðislega vel hérna hjá okkur í gær! Ítölunum fannst maturinn rosalega góður - meira að segja slátrið og sviðasultan! Vorum hérna hjá okkur til ca. 22:30 og fórum svo í annað party.

Ætlum bara að hafa það notó í dag og njóta þess að vera saman í fríi því svo byrjar skólinn hjá Hafsteini í næstu viku.

Flottu snitturnar mínar!

Allir sem voru í köflóttu!

Við skvísurnar að spjalla.

Læt þetta duga í bili.
KS

Matarboð

2008-10-18T06:23:00.000-07:00

í kvöld erum við að fara að halda fyrsta boðið okkar hérna í Milano! Erum sem sagt að fá íslenska parið sem við kynntumst Rut og Heimi, Guido og 3 vini hans. Svo það verður aldeilis stuð hjá okkur í kvöld! Á boðstólnum verður íslenskur matur sem Magga og mamma sendu okkur.
* Lax+sósa
* Rúgbrauð+síld
* Harðfiskur+ísl.smjör
* Slátur
* Sviðasulta
* Skonsur með ýmsu áleggi
* Flatkökur+hangikjöt
* Ísl.nammi og kaffi

Já það verður gaman að sjá svipinn á ítölsku krökkunum þegar þau smakka þetta! Haha.. Get ekki beðið..
En annars er bara allt ágætt að frétta - fórum í gær á sýningu á vinnustofu Achille Castiglioni, var ekkert smá gaman. Dóttir hans fer með manni um allt og segir manni frá öllum verkunum hans en hann lést fyrir 4 árum síðan.
Fyrir áhugasama þá getið þið skoðað heimasíðuna hans hérna http://www.achillecastiglioni.it/

Vinnustofan hans!

Vinnustofan - mjög stór!

Læt þetta duga í bili - læt svo vita hvernig matarboðið gékk!
KV. KS

Þá erum við bara aftur orðin tvö!

2008-10-14T13:21:00.001-07:00

Núna eru Magga og Júllarnir farin og svona hálf tómlegt allt hérna hjá okkur.:) Þetta er búin að vera alveg æðisleg vika hérna með þeim og við búin að hafa það svo gott saman.
Fórum svo með þau á Central station um kl 09:30 í morgun og kvöddum þau.

Eftir það fórum við og skoðuðum hverfi sem heitir Navigli. Þar eru víst fullt af mörkuðum síðasta sunnudaginn í hverjum mánuði;) Verð að kikja þangað einn daginn - þ.e.a.s á sunnudegi! Við löbbuðum svo bara um í rólegheitunum og borðuðum svo nesti í einum garðinum hérna niðrí bæ.

Kveð að sinni,
KS

Geðveikur bíll! Það er mött áferð á honum..

Mmm.. Geggjað ískaffi!

Haffi með pizzuna sína!

Drauma bílinn okkar!;)

Lasarus!

2008-10-12T15:13:00.000-07:00

Þá erum við búin að kaupa farið heim um jólin:) Komum heim 21 des og förum svo aftur 11 janúar! Náum rosa góðu fríi - vonum bara að fólk verið ekki komið með ógeð af okkur! Haha..
Magga og Júllarnir eru búin að vera hjá okkur síðan á miðvikudaginn - og eru að fara núna á þriðjudaginn! Búið að vera alltof fljótt að líða, en erum sko búin að hafa það alveg geggjað saman! Fórum út að borða í gær hérna í hverfinu okkar, Magga og Júlli áttu 23 ára brúðkaupsafmæli og dugði ekkert annað en fimm rétta máltið að hætti Rússa;) ALVEG ÆÐISLEGA GOTT! Reyndar þurftum við að láta okkur hverfa áður en desertinn kom því við vorum orðin svo ótrúlega södd..

Í dag vaknaði ég með eitthvað helv. í hálsinum! Versnaði svo í dag og er komin með rúmlega 38 stiga hita, beinverki og hálsbólgu. Var samt alveg ótrúlega skemmtilegur dagur fyrir utan þennan óþvera! Byrjuðum á að fara að skoða rosa fínt Sædýrasafn.. Júlla jr. fannst það sko ekki leiðinlegt. Fórum svo í kastalagarðinn með ís og fínerí og sátum þar í daggóða stund.. Hittum svo Alberto og borðuðum með honum kvöldmat!
- Sem sagt búinn að vera langur dagur hjá okkur!

Komst loksins í samband við Hörpu í kvöld á skype, var sko mikið og margt að tala um;) - alveg elska að geta talað við alla í mynd:o) Manni finnst maður bara sitja fyrir framan manneskjuna!

En er farin í háttinn..
KS

Við úti að borða með Alberto.

Gaman gaman

2008-10-10T15:57:00.000-07:00

Búið að vera alveg ótrúlega gaman síðan Magga og Júllarnir komu.. Erum búin að skoða, borða og njóta þess að vera hérna saman.
Júllarnir fóru í dag í klippingu hjá rakaranum í húsinu okkar, fórum svo á hönnunarsafn og fengum okkur svo að borða þar, ætlum svo á annað á morgunn. Á sunnudaginn ætlum við svo að taka bíl á leigu og fara til landamæri Sviss í sund og spa! Það verður alveg ótrúlega gaman..

Kveðja frá öllum.

Takk Rússar!

2008-10-07T10:49:00.000-07:00

Guð sé lof að evran er komin í 130, erum barasta ekki búin að versla í matinn síðustu daga! Ekkert smá gott að eiga góðan frysti á svona dögum! ;) Haha..
En Magga, Júlli og Júlli jr eru að koma til okkar á morgun - verður alveg ótrúlega gaman.. Ætlum sko að gera mikið og margt.

En ætla að fara að baka bananabrauð fyrir ferðalanganna!

Kveð að sinni,
KS

Áfram Fjölnir!!!

2008-10-04T06:08:00.000-07:00

Vorum að klára að borða rosa góðar skonsur og túnfisksalat sem ég gerði, er alveg orðin skonsumeistari eftir þetta eina skipti! :) Erum því södd og sæl að horfa á bikarleikinn.

Vorum mjög róleg í gær - horfðum á Mamma mia og fórum svo bara snemma að sofa! Ætlum að kikja aðeins út eftir leikinn og hafa það gott í góða veðrinu..

Ætla að halda áfram að horfa á leikinn - svo spennandi!
ÁFRAM FJÖLNIR!!!!!

Knús,
KS***

Ofn og allar græjur!

2008-10-03T04:40:00.001-07:00

Það er bara búið að vera mikið að gera hjá okkur þessa vikuna! Fórum í IKEA á mánudaginn og keyptum ýmislegt sem vantaði. Dýnu í gestaherbergið, sængur, kodda, lök, blóm, borð og margt fleira! Fórum svo heim með lestinni og fólki fannst MJÖG skemmtilegt að horfa á okkur! Enda vorum við eins og hálfvitar með tvær fullar töskur, dýnu og litla kerru sem var troðin af dóti. Á þriðjudeginum fórum við svo í Coop og keyptum okkur ofn! Það vantaði alveg hjá okkur, enda núna erum við líka komin með almennilegt heimili! Hægt að baka og gera góða rétti í ofninum! ;) Á miðvikudaginn sváfum við aðeins yfir okkur, ætluðum að vera komin til Duomo til að kaupa mánaðarkort í lestarnar svona um 09:00 - en við sváfum að til að verða 10! Þutum af stað og þegar við vorum nánast komin áttuðum við okkur á því að við höfðum gleymt skólavottorðinu hans Hafsteins, vorum ekki alveg vöknuð. Þannig að þessi ferð fór því bara í að skoða og hafa gaman í bænum. Í gær fórum við svo aftur til Duomo og keyptum okkur lestarkortin! Ég fékk mitt strax - en Hafsteinn þarf að bíða í 15 daga eftir að fá sitt. Fær það svo miklu ódýrara því hann er í skóla! Við vorum sem sagt í rúmlega 3 tíma í þessu stússi. Vorum svo bara niðrí í bæ og fórum svo út að borða með Guido. Hann fór með okkur á alveg ekta ítalskan stað sem hjón reka. Við byrjuðum á að fá þrjár tegundir af ostum, svo kom laukur og þystilhjörtu sem höfðu legið í einhverju, svo kom bakki með einhverju kjöti - svo kaffi í eftirrétt! Við vorum um 4 tíma að borða! Ótrúlega skemmtilegt að smakka þennan sérstaka mat!
Ætlum svo að taka helgina rólega og undirbúa komu Möggu, Júlla og Júlla litla en þau koma næsta miðvikudag. Verður svo gaman! :)

Hafsteinn var að gera fyrir okkur svo girnilegar samlokur í nýja ofninum! Svo ég verð að hætta.. Haha!

Knús og kossar**
KS

Innipúkar!

2008-09-27T11:32:00.000-07:00

"Vinkona" okkar Haffa - sem var mjöög óheppin að lenda í flugnaspaðanum!

Við erum varla búin að fara útúr húsi síðan netið kom! Fórum að vísu í party í gær sem var mjög skemmtilegt. Gaman að sjá hvernig Italir skemmta sér, það t.d ekki til einfaldur drykkur hérna! Glasið er bara fyllt af víni og svo settir nokkrir dropar af gosi. :/ Í dag erum við bara búin að liggja í leti, horfa á þætti og vera stungin af helv. moskítóflugum! Aumingja Hafsteinn er allur út stunginn, meira að segja á nefinu. Haha!
Ég er alveg dottin inn í Nip Tuck - ekkert smá gott að vera með alla þessa þætti og myndir á flakkaranum sem við fengum frá Önnu,Stellu,Hönnu og Sinna. Búið að bjarga okkur, því við erum ekki mikið fyrir að horfa á talsettar myndir í tv-inu á kvöldin ;o) Þannig að takk aftur fyrir allt dótið..
Læt þetta duga í bili..
KS&HJ

Ronaldhino

2008-09-25T13:14:00.000-07:00

Má til með að setja inn að við erum búin að sjá "nágranna" okkar - Ronaldhino! Vorum á röltinu í dag eftir að hafa skoðað flotta kastalann og hverfið í kringum hann.. Keyrði ekki nema bara sjálfur Ronaldhino framhjá okkur á rosa flottum Porsch sportbíl, lagði svo bílnum og fór út. :o) Ekki leiðinlegt.
En af okkur er allt rosa gott að frétta. Erum loksins að fara að fá netið í fyrramálið - þannig að ég efast um að við gerum mikið á morgun annað en að netast. Förum svo reyndar annað kvöld í party til Guido.
Læt þetta duga í bili.
*KNÚS*

...

2008-09-24T03:32:00.000-07:00

Við komum svo bara aftur heim seinnipartinn í gær - veðrið var ekki alveg að leika við okkur eins og við vildum við Gardavat. :o) En það var enga að síður mjööög gaman.. Löbbuðum um og skoðuðum og settumst svo niður á bekk við vatnið og borðuðum nesti.. Gaman að geta farið þangað og til Como þegar gestir koma - þetta er svo ódýrt. Kostaði fyrir okkur bæði báðar leiðir rétt rúmlega 4000.- Svo við eigum örugglega eftir að gera mikið af svona ferðum..
Við erum komin upp í skóla eins og svo oft til að komast á netið - en núna styttist í að við fáum okkar.. Ekki á morgun heldur hinn. Vííí..
Er að reyna að finna einhverja góða uppskrift af súpu, langar svo í eftir að ég talaði við mömmu í gær, hún var að elda svo góða.. Híhí..
En læt þetta duga í bili..
KNÚS
KS & HJ

Gardavatn

2008-09-22T13:12:00.001-07:00

Það er bara allt frábært að frétta af okkur. Vorum á röltinu í dag, Hafsteinn var að sýna mér háskólasvæði sem er 5mín labb frá okkur.. Þar eru alveg fullt af kaffihúsum, matsölustöðum og súpermörkuðum, ekkert smá næs. Við sátum góða stund á einu kaffihúsinu - og komumst meira að segja á netið ;o) Hafsteinn ætlaði að vera svo góður og keypti ískaffi, hélt að það væri eins og á Íslandi eeeeeen nei! Þetta var alveg hræðilegt! Þetta var sem sagt ís, með kaffi útí og svo rjómaklessu ofaná! Úff.. alveg ekki fyrir okkar smekk. Við fórum svo og versluðum og þetta er ekkert smá fín, góð og ódýr búð! Erum svo ánægð.
Við vorum að koma heim - fórum á central station og keyptum okkur miða til Gardavatns - erum að fara þangað kl 09:05 í fyrramálið.. Úúú.. verður ekki leiðinlegt að komast aðeins í sólbað - vonandi bara að það verði gott veður.
Ætla að fara að sjóða egg og smyrja samlokur fyrir ferðina.. Heheh..
Kveð í bili.

Turista

2008-09-21T09:46:00.000-07:00

Aftur náum við netinu hjá vitleysingnum fyrir neðan! Hehe! Vorum að klára að borða mexikanskar pönnukökur með grænmeti og kjúkkling. Ekkert smá gott! Fórum á föstudaginn í túristarútu um borgina - var rosa gaman! Gaman að sjá svona helstu hlutina í einni ferð. En við erum bara búin að vera í leti í dag, horfa á tv, sofa og hafa það gott! Fórum í gær að hitta íslendinga sem við kynntumst þegar við fengum tax codið, var bara rosa gaman! Ætlum að reyna að fara á morgun og kanna hvað kostar fyrir okkur að fara til Como, væri sko æðislegt að ferðast aðeins áður en Haffi byrjar í skólanum. Náði að misstíga mig í gær - fékk smá sár á hnéið! Týpísk ég! Hehe.. En annars allt gott af okkur.
Læt þetta duga í bili,
Knús og kossar frá Via Ernesto Breda!

Stelistel

2008-09-17T07:28:00.001-07:00

Jæja.. Sit hérna á gólfinu heima - náði að fara inná eitthvað net í húsinu, örugglega hjá einhverjum á hæðinni f. neðan :o) Hehe.. Er búin að vera að læra og Hafsteinn fór út í búð að versla eitthvað í matinn. En allt rosa gott af okkur. Erum búin að fá að vita að Hafsteinn fær allavega 2 vikur í jólafrí, svo við komum heim um jólin. Það var mikill léttir að heyra það!

En knús og kossar til allra!
KS &HJ

RANDOM!

2008-09-17T07:28:00.000-07:00

Í gær drifum við okkur í Intesa Sanpaolo til að stofna reikning svo við gætum klárað þetta blessaða netmál. Í bankanum gékk allt eftir óskum, og kortin okkar verða svo bara tilbúin eftir ca. viku. Eftir það fórum við í Fast-Web og létum stelpuna fá reikningsnúmerið okkar.(Gátum ekki klárað umsóknina þar fyrr en við vorum komin með bankareikning svo við gætum skuldfært af honum). Í þessu molli er svo líka Coop, búð sem Anna sys og Jósi versla alltaf í úti í Svíþjóð, svona ein með öllu! Á svona ca. 10 min náðum við að versla annsi vel, haldið þið ekki að við höfum lent á hjólaútsölu. Við keyptum tvö hjól, körfu, ljós og 2 bjöllur fyrir rúmlega 20.000.-!☺ Komum svo við í súpermarkaðnum á leiðinni heim og það var enginn smá munur að geta sett allt vatnið og það þunga í körfuna mína, svo tók Hafsteinn rest.
Í dag sitjum við svo í skólanum hans Haffa að netast – vel dösuð eftir að hafa hjólað þangað og í líka ágætis hita. En annars er sko bara allt gott að frétta. Erum líka komin með IT-GSM-símanúmer, 3395444499..
KNÚS OG KOSSAR,
HJ&KS
Settum

Vika liðin!!!

2008-09-15T03:48:00.000-07:00

Þá er bara vika liðin og allt að smella saman. Fórum í morgun í íslenska sendiráðið til þess að redda ítölsku kennitölunni. Núna sitjum við í skólanum hans Haffa, að drekka kaffi og njóta þess að vera á netinu☺ Erum svo að fara í dag kl 16:00 í Fast-Web að redda netinu. Sonur þeirra sem leigir okkur íbúðina ætlar að fara með okkur, ekkert smá góður. Vonandi bara að allt gangi vel og við getum fenigð netið sem fyrst.
Fórum í gær í IKEA – völdum ekki beint besta daginn! Það var bara öll Italía þar saman komin. Á lestarstöðinni í hverfinu þar sem IKEA er kemur IKEA-rúta á ca.15mín fresti að sækja fólk.. Ekkert smá þægilegt.. Svo þegar við vorum búin að gæða okkur á frikkum og verlsa smá fórum við bara aftur í litlu IKEA-rútuna á lestarstöðina.. Svo þægilegt! En annars er bara allt gott að frétta af okkur, bara mikið að gera við að koma okkur fyrir, læra og hafa það gott.
Ætlum að reyna að hitta Guido um næstu helgi (Ítalskur vinur hans Haffa) og gera eitthvað saman. En erum svo að spá í að fara vikuna eftir á eitthvað flakk.. Kannski til Florens eða Feneyja. Ætlum að reyna að ferðast og skoða svolítið áður en Haffi byrjar í skólanum.
Læt þetta gott í bili.
Knús og kossar,
KS & HJ

Netkaffi

2008-09-12T05:45:00.000-07:00

Allt gott ad fretta af okkur.. Erum bara ad bida eftir ad fa tax code (italska kt) og tha getum vid fengid netid, simanumer og bankareikning.
Sitjum herna a netkaffi i milano - buid ad vera frabaert vedur, en mikil rigning i dag og thrumuvedur. Sem er samt bara gott.. sma fri fra 30stiga hita ;)

En knus a alla, setjum inn myndir um leid og vid faum netid..
xoxo
Haffitas

Boarding Milan, Malpensa.

2008-09-07T23:25:00.000-07:00

Jæja - þá erum við komin í Leifstöð, búin að kveðja alla og ég verð að segja það er eitt það erfiðasta sem ég hef gert... Mjög svo furðuleg tilfinning í mallakút núna.. Híhí..
En núna erum við bara að bíða eftir að fara inn í flugvélina - 27 stiga hiti í Milano og sól - ekki amalegt ;o) Hehe..
Knús og kossar og bless í bili..
P.s Linda ég lofa að vera dugleg að blogga og setja inn myndir ;)

Vika í Milano

2008-08-31T13:33:00.000-07:00

7 DAGAR....
Jæja - núna styttist óðum í flutning. Allt að verða klárt og íbúðin að verða tóm. Eina sem er ekki komið á sinn stað er hann Bono litli. Við erum því miður ekki búin að finna gott heimili fyrir hann! Sniff sniff.. En við höfum viku - svo endilega ef einhver veit um einhvern sem vill fá yndislegan kisa má hann láta okkur vita :)
Það var ekkert smá mikið stuð hérna í Blöndunni á föstudaginn! Rosa reif-kveðju-partý - með öllu tilheyrandi, bollu, glóstiks og besta DJ-inum, Danna deluxxx.
Áður en ég hætti ætla ég að láta vita að við erum orðin grafarvogsbúar þangað til við förum út. Svo þeim sem dettur í hug að kikja í Blönduna mæta bara Bono karlinum.
KS